Региональное информационное агентство
поиск по статьям и новостям

​ФАЬЛГАХ БЕРИЙ КИНО ДАР

20.04.2017, 7:38      Новости Магаса

Укх деношка, «Центр творчества детей и юношества» оалача, Шолжа района къонабарий кхоллама юкъарче сакъердаме вIашагIкхетар дIадихьар. Укхаза шоай хьехархошца цхьана гулденна къахьегаш дар бераш, «Дахкан зоахалол» яхача фаьлгах анимационни берий кино деш. Цу гIулакха дакъалаца а, берашта цаховр хьалхадаккха а, цига енаяр лоалахарча ХIирий Мехкара къона режиссёр Коцоева Анжела. Из я «Мультэкспедиция – моя мечта» яхача проектан кулгалхо.

Бераша къахьегар, пласталинаца а, басарашца а, каьхаташца а берий киой турпалаш хьабеш а царга къамаьл хьадайтара хьисапе йола говзал Iомаеш а. Тахханалца цу тайпара хьадаьча кхолламашца берий кино деш, из болх баь бац вай мехкарча берашта юкъе, цхьа наггахьа ший цIагIа къахьегаш вар ца лаьрхIача. ХIаьта хIанз лаьрххIа цу тайпара берий кинош деш йолча Анжелас, де мел дезар дIа а оалаш, ше дакъа а лоацаш, Iомадаьд вай бераш цу оамалца къахьега.

Юххьанца хало хиннадале а, доладелча, цхьаккха духьале йоацаш, дика чакхдайлар бераш, шоай болх кхоачашбеш. Цкъа-дале, из да кхоллама даькъе лакха говзал йолаш бераш хилар, шозлагIа-дале, берашта болх мишта бе беза дIахьехаш къахьегаш хинна режиссёр Анжела ший балхах дика кхеташ хилар.

Атта дац берашца болх бе, къаьстта довзаш доацача кхыча къамах долча, цIаккха а бIаргадовнза долча берашца хIаьта а. Цудухьа шийна ма хетта болх вIаштIехьа цабалар кхераш саготдеш яр Анжела, ше вайцига йоагIаш. «Се укхаза IойоагIача хана цкъарчоа чIоагIа дагадоаллар сона, сайна довзаш доацача берашца болх бе сай вIаштIехьа цадалар кхераш. Цул совгIа хIанз хьалхара ена а я со укх Шолжа шахьаре. Бакъда, сона ца меттача тайпара хьинаре къахьегаш, шоашка аьннар дика дIалоацаш, хьаькъале бераш да ераш дерригаш а. Цудухьа атта хилар сона ер болх акхарца бе безача тайпара хьабе. Наьхачарел хIамма а вогIа доацаш, хоза хиннад оаха даь берий кино. Из дакъалоацаш хургда укх апрель бетта 29-ча дийнахьа Владикавказе хургдолча доккхача вIашагIкхетаре – Мультфестивале», — аьнна, белгалдир къонача режиссёра.

ДIадахача шера Машук яхача форуме яха, «Мультэкспедиция – моя мечта» яхаш, цига проект оттаяь хиннай Анжелас, Къилбаседа Кавказа мехкашкарча берашца къахьега а, уж берий кинош де Iомаде а чам болаш. ХIаьта из проект, мах бечар къоабалъяь тIа а ийца, чакхъяьннай цун. Цу проекта керттера декхар да Къилбаседа Кавказа мехкашкара бераш цу говзалах дIакхетаде а, из болх бе уж Iомаде а. Цул совгIа берий кинош деш дола бераш хьагул а даь, цар даьча балхах мах беш, дикагIа къахьийга болх баь бераш совгIаташца белгалдаха лаьрхIа а да цу фестивале.

Апрель бетта 29-ча дийнахьа лакхе хьоахаяьча фестивале массадолча мехкашкарча бераша даьча киношта презентаци хургйолаш я. Цига дакъалоацаш вай мехкара а бераш хургдолаш, лаьрххIа уж Iомаде енаяр Анжела. «Укхаза берашца къа а хьийга, оаха хьадаь берий кино дика мах болаш хиннад тха. ДIаьха а доацаш е лоаца а доацаш, юккъерча боарамах дика хиннад из. Са декхар малагIа да аьлча, берий кино хьа а даь цIаяха уйла яц са, са керттера уйла а декхар а да берашка шоашка из болх хьабайтари, цар шоаша тIехьагIа со йоацаш цу тайпара берий кинош хьадергдолаши из говзал царна хьалхаяккхар. Цул совгIа бераша шоай уйлаш хьагучаяхар а хул цига», — йоах проекта кулгалхочо Коцоева Анжелас.

Шолжа района къонабарий кхоллама юкъарче болх беш йола дика тоъал ха я. 20 шу совгIа йолча хана чухьа кхоллама даькъе эшаш мел дар хьехаш Iомадеш дукха болх баьб цу юкъарчено вай берашца. Таханарча деношка цу юкъарче болх беш берашца къахьегаш я Боканаькъан Казбан. Из ше цу чу болх беш йола 13-гIа шу да. ХIаьта тахан шоайцига баьхкача хьаьшаша бена никъ чIоагIа сакъердаме хеташ а цунца чам болаш а я Казбан.

«Буро тIара Iоенача Анжелас дика къахьег укх берашца. Хьалха оаха даь доаца хIама да из берий кино хьадар. Бакъда, моллагIа хIама хьаде а, дезача оагIорахьа из лостаде а говзал хилар бахьан долаш, режиссёра хьа мел аьннар дика тIаэцаш, дизза кхоачашдеш, болх бу акхар. МоллагIа хIама юкъахдисар кхераш, со се а я ма даггара акхарца къахьегаш, сайна из говзал Iомаеш а, берашка дикагIа из дагалоацийташ а. Тахан яле а, кхоана хург мича я тхоца хьехархо. Цудухьа дIахо йодача хана цу тайпара болх тхоашта хьабе ховргдолаш, дикка ладувгI оаха режиссёра хьа мел дувцачунга, из лертт1а дагалаца а хьож тхо», — йоах Казбана, шоаш деча берий кинонна раьза йолаш.

Вай мехка хиннача тайп-тайпарча конкурсашка а олимпиадашка а дакъалоацаш, хьалхара моттигаш йоахаш хиннаб укх кхоллама юкъарчен дешархой. ХIаьта хIанз кхы дIахо мехкал арахьа а дакъалоацаш хургда уж бераш.

«Вай мехка дукхача конкурсашка, презентацешка, олимпиадашка дакъалоац тха бераша. Дика кхеташ, хIама чехка дIалоацаш а да вай бераш. Тхона чIоагIа дика хет, вай мехка кхы а дуккха берий юкъарчеш йоллаше, укхаза тхоаш долча ераш баьхка. Тахан оаха баьча балхах дика берий кино хьахиннад тха. Тхона чIоагIа хоза а лерттIа а хийттар оахоша баь болх, ховргда-кх, Буро тIа Мультфестиваль йолча хана презентацех фу оал. Бакъда, цига фуннагIа хургдале а, тхоашта ер говзал яйза дика хеташ а гIаддаха а да тхо. Тхона ер говзал хьаIомаеш тхошца къахьийгача Коцоева Анжелайна баркал оал аз», — аьнна, белгалдир хьехархочо Казбана.

Карарча хана укх юкъарче дешаш, цар кхедеш 1008 бер да. Массадолча кхоллама даькъе мел дола хIама хьалхадоаккхаш къахьегаш, дика бераш кийчду укх юкъарчес. Цудухьа теша лов, апрель бетта 29-ча дийнахьа хургйолча Мультфестивале вай бераша лоархIаме моттиг йоаккхаргхиларах.

Дала аьттув боаккхалба цар а уж мо къахьегаш мел болчар а. ХIаьта укхаза Iо а ена, вай берашта из говзал Iомаеш къахьийгача Анжелайна баркал хилда. Дала ший балхагахьа совйоаккхийла из.

Матенаькъан Илез

«Сердало» № 51-52

Источник: serdalo.ru
 Читайте также:

Сторонники Собчак отвергли возможность открытия ее штабов в Дагестане и Ингушетии

Открытия предвыборных штабов в Дагестане и Ингушетии не было и не планируется, заявили в московском штабе Ксении Собчак. Информации о планах по открытию штабов в этих республиках не поступало, отметила руководитель ростовского штаба Собчак Анастасия Шевченко. Как информ..

Ингушские вольники стали победителями открытого первенства Кочубеевского района

Саид и Атсалам Дзауровы завоевали золотые медали на проходившем накануне на Ставрополье открытом первенстве Кочубеевского района по вольной борьбе, посвященном памяти атамана Александра Подколзина. Об этом «Ингушетии» сообщил директор Республиканской школы по вольной бо..

Столица Ингушетии останется без газа из-за утечки из трубопровода

Утечки газа привели к необходимости проведения аварийно-восстановительных работ на трубопроводе в Магасе В связи с этим, в ингушской столице подача голубого топлива прекратиться утром 15 декабря, сообщает пресс-служба Главного управления МЧС России по республике. ..

Ю. Евкуров обсудил с ректором Финансового университета при Правительстве РФ успеваемость ингушских студентов

Глава Ингушетии Юнус-Бек Евкуров в ходе встречи 14 декабря с ректором Финансового университета при Правительстве РФ Михаилом Эскиндаровым обсудил вопросы подготовки в вузе ингушских студентов и договорился с ним о проведении после Нового года общего собрания со студентами на т..

«Победа» запретила брать в салон дополнительный багаж даже за деньги

«Победа» вновь изменила правила перевозки ручной клади и багажа, запретив пассажирам брать с собой в салон самолета какие-либо вещи, превышающие по размерам установленную авиакомпанией норму для бесплатной ручной клади 36x30x27 см. Ранее пассажирам лоукостера разрешалось допла..

В Парламенте заслушали информацию Министра экономического развития Республики Ингушетия

Министр экономического развития Республики Ингушетия Умалат Торшхоев выступил перед парламентариями с информацией об итогах деятельности Министерства экономического развития Республики Ингушетия в 2017 году. По словам Министра, деятельность Министерства экономического р..

Телеканал ТНТ выложил в сеть ролик, которым извинился перед ингушским народом

http://www.postpredstvo.ru/wp-content/uploads/2017/12/тнт-итоговый-ролик.mp4 Дорогие земляки! Телеканал ТНТ сегодня выпустил ролик, которым нам хочется поставить точку в истории, оскорбившей ингушских женщин. Прошло больше недели с момента выхода в эфир Comedy Woman номера, ко..

Ю. Евкуров доложил главе Минстроя РФ о темпах строительства социальных объектов в Ингушетии

Глава Ингушетии Юнус-Бек Евкуров 14 декабря в ходе рабочей встречи с Министром строительства и ЖКХ РФ Михаилом Менем сообщил о завершении в регионе строительства объектов, которое планировалось закончить в этом году, и поблагодарил министра за поддержку, которую он оказывает р..

Мнение редакции интернет сайта riasv.ru никогда не совпадает с мнением, высказанным в новостях.

Пользовательское соглашение   |   Контактная информация   |   Города
Copyright © 2014-2017 riasv.ru - региональное информационное агентство