Региональное информационное агентство
поиск по статьям и новостям

​ДИКА БЛОГЕР – НАХА ПАЙДА БАХЬА ЙОАЗОШ КХОЛЛАР

15.06.2017, 5:44      Новости Магаса

Интернет сеташка гIолла шоай оагIош, блогаш лелаеш болча наьха ди дездеш цIай да июнь бетта 14-ча дийнахьа. Из да Халкъаштаюкъера блогера ди. Сов дукха ха яц из цIай юкъедаьнна, дукхачарна дагайоагIаш а хургья, из этта ха. 2004-ча шера 40 паччахьалкхера массаза а яздеш болча 500 блогера лаьрхIар кхыча говзанчий санна белгал а даь шоашта ди оттаде. Цу дийнахьа лаьрхIар шоайла вIашка а бетталуш моаршал а хетташ вIашаий бовзаш ха дIаяхьа. ХIана аьлча, интернете гIолла къамаьл дIа-хьа дувцаш, цхьацца хIама яздеш хилара тIагIолла эр хилар мара, шоайла дукха бовзаш хилац интернета багIархой.

2004-ча шера ма хетта ца отташ дисад из цIай. Бакъда ши кхо шу кхы а дIадахарца, ший блог а йолаш цу чу яздеш мел хиннача блогераша лаьрхIад 2007-ча шера июнь бетта 14-ча дийнахьа из ди дездеш, цу ден хетадаь йоазош де аьнна. Массане а – дунен тIарча блогераша цу дийнахьа цхьана дукха йоазош даьд, из ди хиларца цIай а лаьрхIа вIаший даькъала бувцаш. Цул совгIа, шоайла бувзам хилар мел лоархIам болаш да а, вIашаий лоархIаш тIера болаш шоаш хиларах а яздаьд цар. Цу хана денз дика дIачIоагI а денна дIаэтта хьадоагIаш да и ди. Вай паччахьалкхе Россе бахача блогераша а леладу из ди ишта.

Интернете багIаш, шоайла дIа-хьа эр леладарал совгIа, цхьацца наха юкъе этта хьал дувцаш, из дашхара тIехьа йоазош деш хул блогераш. Цу тайпара бараш вай мехка а кIезига бац. Хьалха 2005-ча 2010-ча шерашка дукхагIа «Живой журал» яха хIама дар болагераша яздеш а моллагIа дешаш ийдеш а. Цул тIехьагIа ди тIехьа «Живой журнал» дуташ «Facebook» оагIонашка дIачубахар нах. Къаьста вай мехка бахархошта из сайт дика тов.

Ишта цу интернете гIолла цхьацца наха пайда баргбола хIама яздеш а, хьоахадеш а, дувцаш а болча дикача блогерах я Центр-Камазе яхаш йола Iамарханаькъан Зарема. Цо ийдеш долча дешашца, увттадеш долча хаттарашца чIоагIа сакъердалу наьха. Цул совгIа дикка пайда а боал царех наха.

Интернете Заремас язду 5 шерага кхоачаш ха я. Юхьанца йолалуча хана «Живой журнале ший блог а яр цун». Цига гIола Заремас дукха хаттараш ийдора наха накъадаргдар а цаэшар а фуд хьалха доаккхаш. Цу хана дукхагIбола подписчикаш эрсий бар Заремай. Из дага ухаш йоах цо:

«Са блоге дукхагIа са хинна подписчикаш эрсий бар, са ник гIалгIай цIи йолаш ца хилар бахьан хургдар из. Цу хана тайп-тайпара дешаш ийдора аз сай блоге. Са цIен-дас аьлар сога со блоге яз де йолаелале, «динах дола хаттараш ма ийделахь цу чу». Укх денга кхачалца ишта цо сайга аьннача тайпара динах хIама ца дувцаш хьайоагIа со».

Лакхе аз ма аллара наха юташ санна из ший блог йитай Заремас а. ХIана аьлча, кхыйола аттагIа йоа сеташ хьаяржарца, Живой журнал наха дитар. «Цхьа ха ялча блог йитар аз. Цул тIехьагIа аз Facebook, Инстаграмм, Вконтакте яхача сайташка гIолла сайна оагIош хьайийлар. Сайна хетар язде аьттув цига дикагIа хулар са. Дукха ха ялале подписчикаш а хьаIайра, хIара денна дукхах хулаш», — иштта ше юха язде йолаяларах дувца Заремас.

ТIехьарча шерашка вай мехка заIап болча наха дикка терко е баьннаб, Iаьдла а, вешта юкъарча а организацей викалаш. Из дош дувцаш, доашхаш дукха хул Заремай йоазош. ДIахо цох лаьца дувца Заремас: «Укх тIехьарча хана аз дукхагIа хьалъийду хатараш да заIапхоех, мискача нахах лаьца, цар хьашташ мишта кхочаш дича сайна бакъахьа хет дувцаш. Сай нидз ма кхочча цу наха новкъастал де а хьож со. Иштта аз яздер да нах шоайла Iимерза хила безалга, воай мехкахой барт болаш хилал безалга дувцаш. Барт вай хуле дерига а дика хургда вай. Массаза аз оалаш да дика дар дика да ала, во дар во да ала. ХIана аьлча, деррига во да яха йиш яц вай, е из нийса а дац. Массаза деррига во долаш хилац. Вай мехка дукха дик дараш да, дикача оагIорахьа дукха хувцамаш да хьабIаргагуш. ХIара денна хьаеллаш ишколаш, берий бешамаш, больницеш я. Са-м дог гIоздоал уж керда гIишлош хьаелаш бIаргаяйча».

Цхьавола блогер хул ше яздичахьа сагота воацаш, моллагIа цхьа хIама яздичахьа яхаш харцахьа а бакъахьа а интернете йоазош деш. Амма блогера ха деза ше деш долча йоазох наха пайда баргба е зе даргда. Цох а ший тайпара уйлаш я Заремай:

«Эггара хьалха язде волавалалехьа блогера ха деза ше фу язде воал, дика оагIо, во оагIо теркал е а ха деза цунна. МоллагIча темах цо яздой а из Iодийшача наха цох пайда эцаргболаш хила деза цун йоазош. Во дар яздеш хьава-м дуккха а аттагIа да. Бакъда, укх мехка во да яхаш воай дагIе лолахой, кхы дIахо гаьнагIа бахаш бола воай подписчикаш тешаргба вай къамаьлах. ТIаккха, ва ма къа долаш къам да ер, ма ираз дайнад акхар аьнна хетаргда царна. ТIаккха вайх дог кхоардадар кхерам а ба цар. Цхьабакъда хьаким бакъ воацаш мотиг нийслой, хьо бакъвац аьнна язде деза цунга. Нийсвале – укхаза нийса ва хьо ала а деза. ФуннагIа Iа яздой а, яздер бакъ хила деза, ший овла нийса болаш хила деза из. Хийттар, хезар, керта чу мел денар язде эшац. Цох зе мара пайда а баргбац ишта хуле», — йоах блогера Заремас нах бакълийча бакъахьа хеташ.

«Ма чIоагIа дукха беза-кх сона вай мохк а вай мехка бахархой а. Се укхаза сай мехка яхаш доаккхал ду аз, се гIалгIа хиларах а докхалдеш я со», — йоах Заремас ший ГIалгIайчех доаккхалдеш а из дукха езаш а.

Зарема ше яьй 1975-ча шера Ньасаре. 1992-ча шера дика дийша чакхъяьккхай цо Наьсарен № 3 йола ишкола. Цул тIехьагIа деша яха шиъ лакхара дешар Iомадеш дийша я Зарема. Из я тIехдика экономист, психолог.

Карарча хана Зарема болх беш я «Республиканский центр дистанционного обучения для детей инвалидов» яхача цIагIа. Мукъача хана къахетаман фондашца бувзам лелабеш ха дIахьу цо. Ше «Тешам» фонда попечительски совета доакъашхо а я из.

Заремай виъ дезалхо ва. Ший цIен-даьна мутIахьа а йолаш цун фу тов а хьожаш дезал кхебеш я из.

Дукха ба Iамарханаькъан Заремай йоазош хоза а хеташ, царца са а къердалуш уж дешаш нах. Со се бакъдар аьлча, Заремай йоазош дешаш царех пайда хулаш ва. Хий мелча хьогал йовж мо кIаьдвалар дов са Заремас яздаьр дийшача. Иштта цо даь йоазош дешачарех ва Бузартананаькъан Ахьмад а. Из ше а ва дика блогер.

«Эггара хьалха интернет сеташка язде болабенна наха башха дац наьха вахар а гIулакх а. Цу тайпара бола нах ба ала йиш я кортамукъа а шоашта лайна хинна журналисташ а. Цар язду наха хайча бакъахьдар, наха дагадоаллашдар. Ишта болча наьха мугIарах латташ я Зарема а. Цхьабола нах уйлашца кегалуш нийслу интернете багIаше а, хIаьта Зарема ший уйлаш нийса а лоаттаеш, наха бакъхьдола хIама яздеш я. Цхьа моллагIдола хIама дикача, хозщача оагIорахьа бIаргагу цунна, из начIал Дала деннад цунна. МоллагIа бала болаш доа хаттар айдеш хилча, наха из хала хетаргдоацача тайпара Iоязде а дашха а аьттув боал цун. Дукхача вай мехкарча наха пайда хулаш долча ногIалашка дакъалоацаш а хул Зарема. Дала ишта наьха уйлаш нийслургйолча тайпара язде а, ногIалашка дака лаца а аьттув боаккхалба цун. Цунгара масал эца аргдар аз кхы дIахо болча блогерашка, хIана аьлча, хов цун язде», — йоах Бузуртананаькъан Ахьмада.

ХIаьта сай оагIорахьара а тхоай редакцегара а даькъала бувцаш ловца боаккха аз массаболча блогерашта. Дала маьрша леладолда шо. ЦIаккха а дика мара язде во х1ама ма хилда шоана.

Матенаькъан Илез

Сердало

№ 84-85 (11820-821), четверг, 15 июня 2017 года

Источник: serdalo.ru
 Читайте также:

Сегодня 12 декабря в Министерстве образования и науки Республики Ингушетия Единый день приема граждан

Сегодня, в день Конституции Российской Федерации, в Ингушетии, как и по всей стране, проходит Единый день приема граждан. Поручение о Всероссийском дне приема граждан в 2013 году подписал Президент РФ Владимир Путин, и с этого времени решено ежегодно 12 декабря принимать заяви..

Ингушетия может стать площадкой для проведения международных сборов спортсменов

Глава Ингушетии Юнус-Бек Евкуров в ходе встречи по итогам проведения в республике вечера бокса среди профессионалов «Герои ринга» отметил успех прошедшего мероприятия, поздравил с победой ингушских спортсменов и поручил продумать организацию на территории региона базы для пров..

Ингушский Роспотребнадзор открыл горячую линию для контроля качества и безопасности сладких новогодних подарков

В преддверии Нового года в республике действует горячая линия ингушского Управления Роспотребнадзора по вопросам качества и безопасности детских товаров и новогодних подарков, сообщает пресс-служба ведомства. Потребители могут обратиться за консультацией по вопросам кач..

Поздравление З.Евлоева с Днем Конституции Российской Федерации

Поздравляю всех жителей Республики Ингушетия с важнейшим из государственных праздников страны - Днем Конституции РФ. Ровно 24 года назад был принят Основной закон новой России, который стал прочным фундаментом демократичного развития нашего великого государства. Сегодня..

ТНТ и его оскорбительные шутки

На телевидении, время от времени, появляются шутки про Ингушетию, мы любим юмор и если он не выходит за рамки приличия, в этом нет ничего плохого. Пару дней назад, на канале ТНТ вышла передача, в которой было допущено оскорбление в адрес ингушских женщин. И в этот раз, они явн..

Обращение министра строительства РИ в связи с Днем Конституции Российской Федерации

Уважаемые соотечественники! 24 года назад, 12 декабря 1993 года, Конституция нашего государства была принята на всенародном голосовании, и это событие стало поворотным моментом в новейшей российской истории. Конституцию утвердил своей волей сам народ, и тем самым сделал..

Берете ли вы в долг? И если не возвращаете, то почему?

«Берете ли вы в долг? И если не возвращаете, то почему?» – эти вопросы сегодня актуальны не только потому, что на дворе испытание экономическими неурядицами и кризисом. Эти вопросы были и будут острыми для миллионов людей сегодня и завтра. Так уж жизнь устроена: одни с большим..

Путин считает дестабилизирующим решение США признать Иерусалим столицей Израиля

Президент России Путин после переговоров с турецким коллегой Эрдоганом в Анкаре накануне заявил, что считает дестабилизирующим решение США признать Иерусалим столицей Израиля. По мнению главы российского государства, действия Вашингтона могут перечеркнуть перспективы па..

Мнение редакции интернет сайта riasv.ru никогда не совпадает с мнением, высказанным в новостях.

Пользовательское соглашение   |   Контактная информация   |   Города
Copyright © 2014-2017 riasv.ru - региональное информационное агентство