Региональное информационное агентство
поиск по статьям и новостям

​Берий беш – «Волшебная страна»

28.03.2017, 11:31      Новости Магаса

Дуккха тайп-тайпара керда берий бешамаш хьайийлай вай мехка. ХIара берий беш ше-ший цIи йолаш я. Цар цIераш хьагойт уж гIишлонаш берашта лаьрхIа йолга, сийрда а хоза я уж. «Волшебная страна» яхача цIеро хьахьокх цу берий беша тамашийна а хоза а хила дезалга. Керда берий беш хьайийлай февраль бетта 2015 шера Шолжа районе Сунжа гIале. Гаьннара хьавоагIаш бIарг тIаотт лакхача хозача гIишлон.

Коа дIачуваьлча Iалаьмате хоза зизаш, фонтанчик цун юхе тайп-тайпара фаьлгашкара оакхарий, оалхазараш, бийдолгаш. КIезига дIагаьнаваьлча берий майдангаш, салаIа тайп-тайпара гIандаш латт. Доккха ков, хIара ковна миIинг безаме кулгашца хоза кийча яьй укхаза болх беча болхлоша. НиI хьа а йийла дIачуваьлча бIаргагу е гIишло кийча яьча наьха дегаш берашца долга, хIана аьлча, бераша дукха дезаш ца хилча вIаштIехьа даргдац иштта берашта чам болча тайпара е болх хьабе. Бокъонца фаьлгачу кхаьчача санна хетт укхаза нийсавелча. Берашта дукха дезача фаьлгашкара турпалхой ба пенаш тIара хьахьежаш. ЦIагIа леладу хоза зизаш да массанахьа латташ, цар хозъю хьачуваьнначура моттиг. Маьчи Iояьккхача дIайха ий, хIара берий ше-ший барзкъа хьалъолла моттиг я. Духьала баьхкар безаме воспитателаш. Цар дIачуйигар со берий беша заведующий йолча. Сона духьал ера безаме, елаенна, са хинна хьехархо Сайнаройнаькъан Махьмад-Гири Аьсет. Бераш дукха дезаш, ший болх дика ховш, царех дог лазаш саг я из.

Махьмад-Гире Аьсета дийцар: «Халонаш йоацаш цхьаккха хIама хилац, хIаьта а, ерра мо хоза гIишло Iаьдало хьайича эхь да лоадам боаца хIамаш дувцар. Оаха ерригача коллективаца чIоагIа къахьийгар берий беша берашта хоза хетаргдолаш а цар укхаза чам хургболаш а. Тха из вIаштIехьа а даьлар. Хьона гуча тайпара сапаргIата я укхаза. ХIара группе берий салоIача моттигашка цIена а хоза я. Ловза моттигаш я, дукха тайп-тайпара интеллектуальни ловзаргаш да. Белгалдаккха деза вIашагIкхийтта коллектив чIоагIа дика я са. ХIара болхло ше – ший метте ва. Массавар дипломаш долаш ва. Керттердар да, бераш дукха а дезаш уж царга хьажар. Тха берий беш лаьрхIа я шин бIаь бера, хIаьта а укх моттигах кхоачам хилац, бераш дукха да.

Из бахьан долаш тха дIаяьзде деза бераш дукхагIа хилар. ХIанз тха диъ бIаь бер да. Оаха хоастам бу тхоай уж бераш дIаязде а уж леладе таро хиларах. Йоккха я тха гIишло. Тха берий беша хьааха безам болаш дуккха а ба, уж бераш тха микрорайонера да, бакъда, электрони аргIа ший тайпара болх беш я. Цун йовзац микрорайонаш, из бахьан долаш тхо долча хьакхувла бераш тайп-тайпарча микрорайонашкара да. Аз дехаргдар тхоай берий беша тхой микрорайонера бераш дукхагIа дIаяьзде аьнна, иштта дикагIа хургдар».

Чахкийнаькъан Умара Тамилайца къамаьл хилар са. Из я музыкальни кулгалхо а воспитатель а. Умара Тамила болх беш йола кхоалагIа шу да. Цо дувц: «Сай болх чIоагIа дукха беза сона. ХIара ди тхой план йолаш, цу планага хьажжа болх бу оаха. ХIара цIай берашца кийчо а еш, оахоша дакъа лоацаш дезду оаха. ЦунагIа берашта чIоагIа салоаIам хул, иштта тхона гIо де хьож берий дай-ноаной а. Оаха болх мишта бу а харцахь дара а бакъахь дар хьа ала ховш я тха кулгалхо Махьмада-Гири Аьсет, шийна моггача тайпара тхона новкъост хила хьож из. Иштта массане цхьан къахьийгача леладечох гIулакх хул. Тхо долча хьауха бераш хоза а хеташ, тхоца чам болаш ух».

Со цига нийсаеннача дийнахьа цIай дез деш бар берий беша. Сай берал дагадехар сона. Воспитателеш фаьлгашкара турпалаш а хинна хоза спектакль оттайир берашта. Бокъонца бола артисташ санна ловзайир цар шоай ролеш. Берашта чIоагIа сакъердалора. Царга хьожаш берел зIамагIа а хинна со а яр. Са а берий а чIоагIа самукъадаьлар. Кийчадаь истолаш дар тайп-тайпара мерза даараш а долаш. Массане къахьегарах хоза вIаштIехьа даьндар цIай. Дега чура баркал аьнна, Iадика а йийца дIаяхар со, бакъда, дега йIовхал берий беша йисар са. Укх тайпара барта а болаш коллективаш массанахьа хилча ма дика хургдар!

Урусхананаькъан Хьава

«Сердало» №38

Источник: serdalo.ru
 Читайте также:

​Берий беш – «Волшебная страна»

Дуккха тайп-тайпара керда берий бешамаш хьайийлай вай мехка. ХIара берий беш ше-ший цIи йолаш я. Цар цIераш хьагойт уж гIишлонаш берашта лаьрхIа йолга, сийрда а хоза я уж. «Волшебная страна» яхача цIеро хьахьокх цу берий беша тамашийна а хоза а хила дезалга. Керда берий беш хь..

Гран-При Международного конкурса «Волшебная феерия» выиграла ученица детской школы искусств Дарья Данильченко

Гран-При Международного конкурса «Волшебная феерия» выиграла ученица детской школы искусств Дарья Данильченко. С большим триумфом вернулись учащиеся преподавателя Ю. Е. Буйко с Международного фестиваля – конкурса юных исполнителей «Волшебная феерия» , котор..

В эфире телеканала «Страна» 5 марта - интервью с Александром Никитиным

О технологической долине в Мичуринске, перспективах развития АПК на Тамбовщине, работе с инвесторами, экспортном потенциале, создании комфортной среды для населения рассказал глава администрации области Александр Никитин в интервью телеканалу «Страна» - официальному информацио..

Мнение редакции интернет сайта riasv.ru никогда не совпадает с мнением, высказаным в новостях.

Пользовательское соглашение   |   Контактная информация   |   Города
Copyright © 2014-2016 riasv.ru - региональное информационное агентство